Эд хөрөнгө өмчлөх эрх, түүнтэй холбоотой эд хөрөнгийн бусад эрхийн бүртгэлийн  тухай хуулийн 14 дүгээр зүйлийн 14.2, 15 дугаар зүйлийн 15.2-д заасныг тус тус баримтлан нэхэмжлэлийн шаардлагыг бүхэлд нь хангаж, Улсын бүртгэлийн ерөнхий газрын Эд хөрөнгийн эрхийн бүртгэлийн газрыг Баянзүрх дүүргийн 1 дүгээр хороо, Голден Вилл хотхоны 103 дугаар байрны 504 тоот, 149,35 м кв талбай бүхий 4 өрөө  орон сууц болон С-14, С-15 тоот автомашины зогсоолын өмчлөгчөөр Г.Өнөржаргалыг бүртгэхээс татгалзсан үйлдлийг хууль бус болохыг тогтоож, нэхэмжлэгч Г.Өнөржаргалыг 504 тоот орон сууц болон С-14, С-15 тоот авто зогсоолын өмчлөгчөөр Эд хөрөнгийг эрхийн бүртгэлд зохих журмын дагуу бүртгэж, гэрчилгээ олгохыг Улсын бүртгэлийн Ерөнхий газрын Эд хөрөнгийн эрхийн бүртгэлийн газарт даалгасугай.