Шийдвэрийн дэлгэрэнгүй

Шийдвэрийн төрөл Шийдвэр
Огноо 2013-12-09
Дугаар 20
Хэргийн индекс 034/2013/0016/З
Шүүх Баянхонгор аймгийн Захиргааны хэргийн шүүх
Шүүгч Цэдэвийн Сувдмаа
Нэхэмжлэгч Б.Отгончимэг
Хариуцагч С.Батбаяр
Хариуцагчийн төрөл Монгол Улсын Засгийн Газрын Гишүүн /Ерөнхий сайд, сайд /
Гуравдагч этгээд С.Должинсүрэн
Маргааны төрөл Төрийн албан хаагчийн хөдөлмөр
Хүчинтэй эсэх Тийм
Шийдвэрийн товч

1. Төрийн албаны тухай хуулийн 26 дугаар зүйлийн 26.1.3-д заасныг баримтлан нэхэмжлэгч Б.Отгончимэгийн гаргасан нэхэмжлэлийн шаардлагыг бүхэлд нь хангаж, Баянхонгор аймгийн Газрын харилцаа, барилга, хот байгуулалтын газрын даргын 2013 оны 5 дугаар сарын 01-ний өдрийн “Сахилгын шийтгэл ногдуулах тухай” тушаалыг хүчингүй болгож, Б.Отгончимэгийг аймгийн Газрын харилцаа, барилга, хот байгуулалтын газрын Газрын кадастр, геодези зураг зүйн асуудал хариуцсан мэргэжилтний үүрэгт ажилд эгүүлэн тогтоосугай.

2. Төрийн албаны тухай хуулийн 11 дүгээр зүйлийн 11.6, Хөдөлмөрийн тухай хуулийн 69 дүгээр зүйлийн 69.1-д заасныг баримтлан Б.Отгончимэгийн ажилгүй байсан 7 сар 6 хоногийн цалин 4247431 /дөрвөн сая хоёр зуун дөчин долоон мянга дөрвөн зуун гучин нэгэн/ төгрөгийг Баянхонгор аймгийн Газрын харилцаа, барилга, хот байгуулалтын газраас гаргуулж, нэхэмжлэгч Б.Отгончимэгт олгосугай.

3. Захиргааны хэрэг хянан шийдвэрлэх тухай хуулийн 80 дугаар зүйлийн 80.1, Улсын тэмдэгтийн хураамжийн тухай хуулийн 7 дугаар зүйлийн 7.2.1, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1 дэх хэсэгт зааснаар нэхэмжлэгчийн улсын тэмдэгтийн хураамжид төлсөн 70.200 /далан мянга хоёр зуу/ төгрөгийг улсын орлогод хэвээр үлдээж, хариуцагчаас 70200 төгрөг гаргуулан нэхэмжлэгчид олгосугай.

4. Захиргааны хэрэг хянан шийдвэрлэх тухай хуулийн 81 дүгээр зүйлийн 81.1-д зааснаар шүүхийн энэхүү шийдвэрийг эс зөвшөөрвөл гардан авснаас хойш хэргийн оролцогч, тэдгээрийн төлөөлөгч буюу өмгөөлөгч 14 хоногийн дотор Захиргааны хэргийн Давж заалдах шатны шүүхэд давж заалдах гомдол гаргах эрхтэйг дурдсугай.

Шийдвэр бүрэн эхээрээ
Шийдвэрийг бүрэн эхээр нь үзэхийн тулд манай сайтад нэвтэрсэн байх шаардлагaтай.
Ta энд дарж нэвтэрнэ үү.