Эрүүгийн Байцаан Шийтгэх хуулийн 283,  286,  301 дүгээр  зүйлүүдийг удирдлага болгон

                                                                                                                             ТОГТООХ нь:     

 1. Төмөрбаатарын Өлзийбаатарыг бусдыг илтэд үл хүндэтгэн хүч хэрэглэн нийгмийн хэв журмыг ноцтой зөрчин догшин авирлан танхайрсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 181 дүгээр зүйлийн 181.2.1-д зааснаар 3 жил 1 хоног хорих ялаар шийтгэсүгэй.

 2. Эрүүгийн хуулийн ерөнхий ангийн 52 дугаар зүйлийн 52.5-д зааснаар   Т.Өлзийбаатарын ялыг жирийн дэглэмтэй хорих ангид эдлүүлсүгэй.                     

3. Энэ хэрэгт эд мөрийн баримтаар хураагдаж ирсэн рентген зураг болон                    Вочерин константин / Vacheron constantin / нэртэй эрэгтэй хүний бугуйн цагийг тогтоол хүчин төгөлдөр болмогц хохирогчид буцаан болгож, судалтай цамцыг устгаж, шүүгдэгч нь цагдан хоригдоогүй, төлөх төлбөргүй болохыг тус тус дурьдаж, хохирогч нь хохирлоо иргэний журмаар жич нэхэмжлэх эрхтэй болохыг  дурьдсугай.

4. Эрүүгийн хуулийн ерөнхий ангийн 61 дүгээр зүйлийн 61.1, 61.4-д зааснаар Т.Өлзийбаатарт оногдуулсан 3 жил 1 хоногийн хорих ялыг тэнсэж, 1 жилийн хугацаагаар хянан харгалзаж, түүний засрал хүмүүжилд хяналт тавихыг Баянзүрх дүүргийн Цагдаагийн хэлтэст даалгасугай. 

5. Т.Өлзийбаатарт авсан бусдын батлан даалтанд өгөх таслан сэргийлэх арга хэмжээг хэвээр үргэлжлүүлсүгэй.

6. Тогтоолд давж заалдах гомдол, эсэргүүцэл гаргавал тогтоолын биелэлтийг түдгэлзүүлсүгэй.  

Шийтгэх тогтоолыг ялтан, хохирогч, өмгөөлөгч, яллагч нар эс зөвшөөрвөл тогтоолыг гардуулснаас хойш 14 хоногт Нийслэлийн шүүхэд давж заалдах, яллагч эсэргүүцэл бичих эрхтэй.